የሰላሌ ዩኒቨርሲቲ የህግ ጉዳዮች ዳይሬክቶሬት
የሰላሌ ዩኒቨርሲቲ የህግ ጉዳዮች ዳይሬክቶሬት ጥቅምት 15/2009 ዓ.ም የተቋቋመ ሲሆን እንደማንኛዉም የመንግስት ከፍተኛ ትምህርት ተቋማት/ ዩኒቨርሲቲዎች ሰላሌ ዩኒቨርሲቲ በአዋጅ ቁጥር 359/2008 ሲቋቋም በህግ አገልግሎት ክፍል በመዋቀር የተለያዩ የህግ ነክ ሥራዎችን ሲያከናዉን በመቆየት በአዲሱ የሥራ ምዘናና የነጥብ አሰጣጥ ዘዴ እንደ ዩኒቨርሲቲያችን አዲስ መዋቅር ሲሰራ መጋቢት 01/2010 ዓ.ም በዳይሬክቶሬት የሥራ ደረጃ በማደግ እንዲሁም ዳይሬክተር እና ከፍተኛ ባለሙያ ተመድቦለት በዳይሬክቶሬት ደረጃ መደበኛ ሥራዉን ጀምሯል፡፡ የሰላሌ ዩኒቨርሲቲ የህግ ጉዳዮች ዳይሬክቶሬት ከሚያከናዉናቸዉ ተግባራት ከብዙ በጥቂቱ እንደሚከተሉት ቀርበዋል፡-
- ልዩ ልዩ ህገ ነክ ጉዳዮችን መተንተን፤ መተርጎምና ለፖሊስ ዉሳኔዎች የመሰረተ ሀሳብ ማቅረብ፤
- በህግ ነክ ጉዳዩች ላይ፤ መሥርያ ቤቱ የሚያደርገዉን ድርድርና ስምምነት ዉጤታማ በማድረግ ረገድ እንዲሁም የመሥሪያ ቤቱን ጥቅም ማስከበርና የህግ ግንዛቤ ክፍተቶችን ማሟላት፤
- በአፈፃፀም ላይ ክፍተት ያለባቸዉ ስራዎችን በመለየት ማብራሪያና አስተያየት የመስጠት ስራ መስራት፤
- መሥሪያ ቤቱ ከሌላ ወገን ጋር በሚያደርገዉ የድርድር ነጥቦች ላይ ስምምነት የተደረሰባቸዉንና ልዩነት የታየባቸዉን ጉዳዮች መለየት፤ የተፈጠሩ አለመግባባቶችን ከህግ አኳያ በመመርመር የዉሳኔ ሃሳብ ለበላይ አመራሩ የማቅረብ ሥራዎችን መስራት፤
- የተለያዩ የዉል ስምምነቶችን የማዘጋጀት፤
- በዩኒቨርሲቲዉ (በተቋሙ)ላይ ለሚቀርቡ ማንኛዉም ክሶች ተቋሙን (ዩኒቨርሰቲዉን) በመወከል መልስ የመስጠት ሥራ መስራት፤
- መሥሪያ ቤቱን ወክሎ መልስ በማዘጋጀት መከራከር፤ ይግባኝ መጠየቅ፤ የፍርድ አፈፃፀሙን የመከታተል ሥራ መስራት፤
- ዉስብስብነት ባላቸዉ የህግ ነክ ጉዳዮች ላይ ለመሥሪያ ቤቱ የሥራ ክፍሎች የምክር አገልግሎት መስጠት፡፡
- በዩኒቨርሲቲዉ የሚገኙ የተለያዩ የሥራ ክፍሎች ህጎችን፣ መመሪያዎችንና ደንቦችን በመገንዘብ ተግባራቸዉን ህግንና ህግን ብቻ ተከትለዉ እንዲያከናዉኑ ለማስቻል የተለያዩ የሀገሪቱን ህጎች ፣ አዋጆችን፣ ደንቦችንና መመሪያዎችን እንዲጠቀሙበት የማመቻቸትና የማማከር ሰፊ ሥራ መስራት፤
- ዩኒቨርሰቲዉ (ተቋሙ)አዲስ ከመሆኑ አንፃር የአሰተዳደር ሰራተኞችም ሆነ የተቋሙ መምህራን የሚዳኙበት እንዲሁም ቅሬታቸዉን የሚያቀርቡበት የዲሲፕሊን ኮሚቴና የቅሬታ ሰሚ ኮሚቴ እንዲቋቋም አወጁንና ደንቡን መሰረት በማድረግ ለዩኒቨርሰቲዉ የበላይ አካል የዉሳኔ ሃሣብ ማቅረብ፤
- በፍትሐ ብሄር ጉዳዮች ላይ የሚፈጸሙ የሕግ እና ዉል ጥሰቶችን በመለየት በመደበኛ ፍርድ ቤቶች በማቅረብ የተቋሙን/ የዩኒቨርሲቲዉን ጥቅም ማስጠበቅ፤
- በመደበኛ ፍርድ ቤቶች እና በአስተዳደር ፍርድ ቤት የተወሰኑ ዉሳኔዎችን ተግባራዊ ማድረግ፤
- ዩኒቨርሲቲዉ ከተለያዩ አካላት ጋር የሚገባቸዉ ዉሎች ለበላይ አመራሩ ቀርበዉ ከመጽደቃቸዉ በፊት በአግባቡ መዘጋጀታቸዉን የማረጋገጥ ሥራዎችን መስራት፤
- የተለያዩ የሀገሪቱ ህጎች፣ አዋጆች፣ ደንቦች፣ መመሪያዎችና የዩኒቨርሲቲዉ ሴኔት ሌጂስሌሽን በሥራ ላይ መዋላቸዉን መከታተል፤
- በመንግስት ንብረት ላይ የሚፈጸሙ ወንጀሎችን መከታተል፤
- ከሌሎች የሥራ ክፍሎች ጋር በመሆን የኪራይ ሰብሳቢነት አመለካከትና ተግባር ላይ ብርቱ ክትትል ማድረግ፤
- ከተቋሙ/ ከዩኒቨርሲቲዉ ሥራ ክፍሎች ጋር የአንድነትና የመደጋገፍ መንፈስ እንዲጎለብት በተለያዩ የኮሚቴ ሥራዎች ዉስጥ በመሳተፍ የዩኒቨርሲቲዉን ተልዕኮ ማሳካት ወ.ዘ.ተ ናቸዉ፡፡
